ދާންދޫ އަކީ އިސްލާމްދީނުގެ ހަމަތަކާއެއްގޮތަށް ޢަމަލުކުރާ، އަދި އުފާ ފާގަތި ބަޔަކު ދިރިއުޅޭ ރަށެކެވެ.

މި ކައުންސިލްގެ މިޝަން އަކީ، އިސްލާމްދީނުގެ ހަމަތަކާއެކު އުފާ ފާގަތި ބަޔަކު ދިރިއުޅޭ ރަށަކަށް ހެދުމަށްޓަކައި އެންމެން އެކީ ކުރިއަރައި ދިއުމަށް ކައުންސިލުން މަސައްކަތް ކުރުމެވެ.

• ދީމުޤްރާޠީ، އަދި ޖަވާބުދާރީވަނިވި އުޞޫލުން، ރައްޔިތުން އެދޭ ގޮތަކަށް ރައްޔިތުންގެ ކަންކަން ނިންމައިދިނުން.
• އިޖްތިމާޢީ ގޮތުންނާއި، އިޤްތިޞާދީ ގޮތުންނާއި، ސަގާފީގޮތުން ރައްޔިތުންގެ ދިރިއުޅުމުގެ ފެންވަރު މަތިކޮށްދިނުން.
• ރައްޔިތުން ބާރުވެރިކުރުން.
• ރައްޔިތުންނާ އެންމެ ގާތުން، ފުޅާ ދާއިރާއެއްގައި ޚިދްމަތްދިނުން.
• ރަށުގައި އަމަން އަމާންކަން ދެމެހެއްޓުން.

ހުވަދު އަތޮޅު އުތުރުބުރިއަށް ނިސްބަތްވާ ދާންދޫއަކީ މި އަތޮޅުގައި އާބާދީގެ ނިސްބަތުން ބަލާއިރު ދެވަނަ ރަށެވެ. ދާންދޫގެ އާބާދީއަކީ 2065 މީހުންނެވެ. އެއީ 1030 އަންހެނުންނާއި 1035 ފިރިހެނުންނެވެ. މީގެ ތެރެއިން 863 މީހުން ދިރިއުޅެނީ ރަށުން ބޭރުގައެވެ.



ދިގުމިނުގައި 750 މީޓަރު އަދި ފުޅާމިނުގައި 290 މީޓަރު އޮންނަ ދާންދޫ އޮންނަނީ ވެރިކަން ކުރާ ރަށް، މާލެއާއި 394 ކިލޯމީޓަރު ދުރުގައެވެ. އެއީ ޖޯގްރަފީ ގޮތުން ބަލާއިރު އުތުރުން 0.621445 ޑިގްރީ އަދި އިރުން 73.461478 ޑިގްރީއެވެ.

ދާންދޫގައި އިޤުތިޞާދީ މައިގަނޑު މަސައްކަތެއްގެ ގޮތުން ކުރަނީ މަސްވެރިކަމެވެ. މަސްވެރިކަމަށް ޚާއްސަ 7 ދޯންޏެއް ދާންދޫގައި އޮވެއެވެ.